Lè ou travay ak lanmou, rezilta yo briye.

Lè ou travay ak lanmou, rezilta yo briye.

Paske lanmou pa janm prese, li pa janm fè bagay yo a mwatye. Lanmou fòses w fè pi byen, menm lè pèsonn pa gade. Li pouse w bay bon jan valè, pa paske ou oblije, men paske wap pran swen sa wap fè a

Travay ak lanmou se lè ou mete kè ou, verite ou, ak entansyon ou nan tout sa ou kreye. Se lè ou refize fè kopi, refize fè bagay pou lajan sèlman, men ou chwazi fè diferans nan lavi moun. Lanmou fè w tande, li fè w konprann, li fè w sèvi ak eksperyans ou pou geri, pou leve, pou gide lòt moun.

Rezilta yo briye paske yo pa fo. Yo gen fon, yo gen sans, yo gen dire. Sa ki fèt ak lanmou pa bezwen anpil bri pou fè enpak; li pale pou kont li. Moun santi l. Moun rekonèt li. Moun konekte avè l.

Lè ou travay ak lanmou, ou pa sèlman bati yon biznis, ou bati konfyans. Ou pa sèlman bay sèvis, ou bay espwa. Ou pa sèlman vann yon pwodwi oswa yon klas, ou ofri yon transfòmasyon. Se sa ki fè rezilta yo pa sèlman vizib, men memorab.

Travay ak lanmou se yon chwa. Yon chwa pou rete fidèl ak misyon ou, ak moun ou vle sèvi yo, ak valè ou pote. E se chwa sa a ki fè tout sa ou touche vin briye, grandi, epi rete kanpe menm lè tan pase.

Paske lanmou se sekrè tout sa ki reyisi pou tout bon. ✨